నన్ను జైలుకు పంపడానికి కుట్ర

అక్షర దర్బార్, పాలకుర్తి:
కాంగ్రెస్ ప్రభుత్వ విధానాలను నిరసిస్తూ శనివారం బీఆర్ఎస్ పార్టీ శాసనసభ నియోజకవర్గ కేంద్రాల్లో రైతు దీక్ష కార్యక్రమం నిర్వహించింది. ఇందులో భాగంగా పాలకుర్తి నియోజకవర్గం కేంద్రంలో జరిగిన రైతు దీక్షలో మాజీ మంత్రి ఎర్రబెల్లి దయాకర్ రావు పాల్గొన్నారు. ఈ దీక్షలో ఆయన మాట్లాడుతూ సంచలన వ్యాఖ్యలు చేశారు. నా పై కుట్రలు చేస్తున్నారని, ఫోన్ ట్యాపింగ్ కేసులో ఇరికించి జైలుకు పంపే ప్రయత్నం చేస్తున్నారని ఆరోపించారు. జైలుకు పోతే పోతా.. కానీ పార్టీ మారనని ఎర్రబెల్లి స్పష్టం చేశారు. గతంలో రైతుల కోసం మూడు సార్లు పోలీసులతో దెబ్బలు పడ్డ.. జైలుకు పోయిన అన్నారు.. ఫోన్ ట్యాపింగ్ వ్యవహారంలో నాకు ఎలాంటి సంబంధం లేదని చెప్పారు. 
పదవుల కోసం పార్టీలు మరినోడు, నాలుగు సార్లు చిత్తుచిత్తుగా ఒడిన కడియం శ్రీహరి నామీద విమర్శలు చేస్తుండు. నా నలభై ఏళ్ల రాజకీయ అనుభవంతో చెపుతున్న... కడియం కావ్య ఈ పార్లమెంటు ఎన్నికల్లో చిత్తు చిత్తుగా ఓడిపోనుందని దయాకర్ రావు అన్నారు. బీఆర్ఎస్ పార్టీని టీఆర్ఎస్ గా మార్చే ఆలోచన చేస్తున్నామని ఆయన తెలిపారు. ఇటీవల బీఆర్ఎస్ పార్టీని వీడి కాంగ్రెస్ పార్టీలో చేరిన స్టేషన్ గణపురం ఎమ్మెల్యే, మాజీ డిప్యూటీ సీఎం కడియం శ్రీహరి కొద్దిరోజుల క్రితం మీడియా సమావేశంలో మాట్లాడుతూ అసెంబ్లీ ఎన్నికల్లో తన మనవరాలు వయసు గల యశస్విని రెడ్డిపై ఓడిపోయిన ఎర్రబెల్లి దయాకర్ రావు సిగ్గులేకుండా తనపై విమర్శలు చేస్తున్నారని విరుచుకుపడిన నేపథ్యంలో మాజీ మంత్రి ఎర్రబెల్లి దయాకర్ రావు ఇవాళ కడియంపై చేసిన వ్యాఖ్యలు రాజకీయంగా చర్చనీయమయ్యాయి.