టిఆర్ఎస్ కు భారీ షాక్..
500 మంది బిఆర్ఎస్ నుండి కాంగ్రెస్ లో చేరిక.
కడియం కావ్య గెలుపే లక్ష్యంగా ముందుకు సాగాలి..
పరకాల ఎమ్మెల్యే రేవూరి ప్రకాష్ రెడ్డి.
అక్షర దర్బార్, పరకాల.
దామెర మండల కేంద్రంలో బిఆర్ఎస్ సీనియర్ నాయకులు బిల్లా రమణా రెడ్డి కాంగ్రెస్ పార్టీలో చేరిన సందర్బంగా వరంగల్ పార్లమెంట్ సన్నాహక సమావేశాన్ని నిర్వహించటం జరిగింది. ఈ సమావేశానికి ముఖ్య అతిథిలుగా పరకాల ఎమ్మెల్యే, వరంగల్ పార్లమెంటు ఇన్ఛార్జి రేవూరి ప్రకాష్ రెడ్డి , కుడా ఛైర్మన్ ఇనగాల వెంకట్రామ్ రెడ్డి తదితరులు పాల్గొన్నారు. ఈ కార్యక్రమంలో బిఆర్ఎస్ దామెర మండల నలుగురు సర్పంచులతో పాటు 500 మంది ముఖ్య నాయకులు, కార్యకర్తలు పరకాల ఎమ్మెల్యే రేవూరి ప్రకాష్ రెడ్డి ఆధ్వర్యంలో కాంగ్రెస్ పార్టీలో చేరారు. వారికి పరకాల ఎమ్మెల్యే కాంగ్రెస్ పార్టీ కండువాలు కప్పి సాధారణంగా ఆహ్వానించారు. ఈ సందర్భంగా ఎమ్మెల్యే మాట్లాడుతూ పరకాల నియోజకవర్గంలో కడియం కావ్య గెలుపే లక్ష్యంగా పనిచేయాలని కోరారు. పార్లమెంట్ ఎన్నికలలో అత్యధిక మెజార్టీ పరకాల నియోజకవర్గం నుండి ఇవ్వాలని దానికి ప్రతి ఒక్కరు కృషి చేయాలని పిలుపునిచ్చారు. ఈ కార్యక్రమంలో కాంగ్రెస్ పార్టీ నాయకులు, మండల అధ్యక్షులు, నాయకులు తదితరులు పాల్గొన్నారు.
