మిస్ ఫైర్... కానిస్టేబుల్ కు గాయం

ఈవీఎంల స్ట్రాంగ్ రూమ్ వద్ద బందోబస్తు
ఓ కానిస్టేబుల్ చేతిలోని గన్ మిస్ ఫైర్
గాయపడిన ఏఆర్ కానిస్టేబుల్ రాజేష్
ఎంజీఎం ఆసుపత్రిలో చికిత్స

అక్షర దర్బార్, వరంగల్:
వరంగల్ ఏనుమాముల వ్యవసాయ మార్కెట్ ఆవరణలోని 12వ నెంబర్ గోడౌన్ లో ఏర్పాటుచేసిన ఎన్నికల స్ట్రాంగ్ రూమ్ వద్ద బందోబస్తు విధులు నిర్వహిస్తున్న ఓ కానిస్టేబుల్ చేతిలోని గన్ మిస్ ఫైర్ అయింది. ఈవీఎంలు భద్రపరిచిన ఈ స్ట్రాంగ్ రూమ్ వద్ద పోలీసులు ఎన్నికల బందోబస్తు విధులు నిర్వహిస్తున్నారు. ఇందులో భాగంగా ఇక్కడ డ్యూటీలో ఉన్న ఏఆర్ కానిస్టేబుల్ రాజేష్ చేతిలోని వెపన్ ఆదివారం సాయంత్రం మిస్ ఫైర్ కావడంతో ఆయన ఎడమకాలు పాదానికి గాయమైంది. సహచర సిబ్బంది వెంటనే రాజేశ్ ను వరంగల్ ఎంజీఎం ఆసుపత్రికి తరలించారు. రాజేష్ ప్రస్తుతం ఎంజీఎం ఆసుపత్రిలో చికిత్స పొందుతున్నారు. ఆయన స్వస్థలం వరంగల్ లోని రంగసాయిపేట. గాయపడిన కానిస్టేబుల్ రాజేష్ ను పోలీస్ అధికారులు పరామర్శించి ఘటన జరిగిన తీరును తెలుసుకున్నారు.